Orð fá ekki lýst hversu stoltur maður er þegar maður les svona umsagnir!
Að vísu býst ég ekki við að hann hafi leiklistarhæfileikana frá mér. Síðast steig ég á svið í Íslensku óperunni haustið 1989 í Óthello, undir leik (harð) stjórn Þórhildar Þorleifsdóttur. Enga leiksigra vann ég, enda ráðinn frekar til að syngja, en ég sá í hendi mér að guð hefði ætlað mér önnur hlutverk í lífinu en þessi hefðbundnu leikhúshlutverk. Ég hef líka alltaf verið fremur tregur í taumi og óráðþægur og líkar ekki vel að taka við fyrirmælum.
En þessi strákormur er sannarlega búinn að koma sér á kortið. Brátt fer hann að bera björg í bú og launa föður sínum áralanga leiðsögn og þjálfun. Þá er bara spurningin Andri minn – ætlarðu að gefa mér Porsche Cayenne eða Hummer?
Helgi Thor Ingason 
Til hamingju með soninn 😉 Og Helgi – ég trúi ekki að þú sért svona yfirborðskenndur! Heldurðu að Hummer og Ceyenne séu til í díselútgáfum?Átakshelgin er að bresta á…
LikeLike
ég hélt það…… nú ef ekki þá verð ég kannski bara að sætta mig við landcruiser…..
LikeLike