ISO…. er það eitthvað oná brauð?

Ég hef fengist dálítið við gæðastjórnun og kenni fag með því nafni við verkfræðideild. Sum ykkar vita að til eru alþjóðlegir staðlar (ISO) staðlar um þetta og hitt, þar á meðal um það hvernig á að stjórna fyrirtækjum – þar er um að ræða hinn alræmda ISO9001 staðal. Þessir staðlar hafa náð töluverðri útbreiðslu á heimsvísu en þróunin hefur verið hæg á Íslandi þar til á allra síðustu árum.
Ég afréð að setja upp sólgleraugun og skoða útbreiðslu ISO9001 á Íslandi og í nágrannalöndum til að fá botn í það hvort þarna væri munur á. Úr þessu varð þessi líka ágæta grein sem ég vona að verði birt í næsta tölublaði Dropans sem er tímarit Stjórnvísi (www.stjornvisi.is). Það verður þá fyrsta áþreifanlega sönnunin um að ég sé að koma einhverju í verk hér í Boston!