Kvatt í kampavíni

Það var kveðjustund hér í gærkvöldi þegar ég kvaddi vini mína Hong (frá Taiwan, er í PhD námi við Harvard), Youngo (frá Kína, er læknir og doktor í neural science, vinnur á rannsóknastofu á MIT) og Patrick ( frá Írlandi, yfirmaður á einu fínasta hótelinu í Boston). Ég var búinn að kveðja Mary og Andy sem eru í siglingu í Karabíska hafinu. Patrick lagði til dýrindis kampavín (Perrier Jouet). Hann veit allt um fín vín og mat og þegar hann heyrði að ég væri í rauðvínssmökkunarklúbbi færði hann mér tvær flöskur af dýrindis rauðvíni til að fara með heim. Það verður því boðað til fundar í hinum æruverðuga klúbbi “Rauðnef” á allra næstu vikum. Helst hefði ég auðvitað viljað hafa Patrick með til að stjórna athöfninni. Hver veit nema það geti gengið upp !